Fréttir

Opnunartímar á veitingahúsinu Malarkaffi sumarið 2011

2011-06-13T19:57:29Z

15 júní – Ágúst frá kl. 13:00 -22:00

Morgunmatur frá kl. 08 – 10:00

Um Malarhorn
Malarhorn er gistiheimili á Drangsnesi. Samhliða gistiheimilinu er Malarkaffi sem er veitingastaður og bar. Boðið er upp á siglingar með Sundhana ST-3 bæði í náttúruskoðunarferðir og reglulegar ferðir út í Grímsey

Upplýsingar um fyrirtækið:

ÁVM útgerð ehf.
Kvíabala 1
520 Drangsnesi
Kt. 410705-0520

Símar frkvstj: 451 3238 og 899 4238.
Pöntunarsímar: 896 0337

Netfang: malarhorn@malarhorn.is. Heimasíða: www.malarhorn.is

Malarkaffi lokar

2009-08-22T13:54:56Z

Malarkaffi lokar 21. ágúst.

Þakka fyrir viðskiptin sumarið 2009.

Uppl. Í síma 451-3238

Þuríður & starfsfólk

Bryggjuhátíðin á Drangsnesi

2009-07-17T10:36:05Z

Laugardaginn 18. júlí verður hin árlega Bryggjuhátíð haldin á Drangsnesi. Að því tilefni verður ýmislegt á döfinni á Malarkaffi.

Þeir Sjonni Brink og Jógvan verða að spila á Malarkaffi föstudags- og laugardagskvöld frá kl 23:00 til 3:00. Aðgangseyrir er 1500 kr. KL 15 á laugardaginn spila þeir síðan á planinu við Malarkaffi fyrir gesti og gangandi.

Þá verða bátsferðir með Sundhana út í Grímsey á laugardaginn frá kl 11:00 til kl 15:30 frá bryggjunni á Drangsnesi. Það kostar 1500 kr. í ferðina fyrir fullorðna, en 50% afsláttur fyrir 6 til 12 ára og frítt fyrir yngri en 6 ára.

Sjómannadagurinn á Malarkaffi

2009-06-02T17:56:00Z

Sjómannadagurinn verður haldinn á Malarkaffi með hátíðarbrag laugardaginn 7. júni.

Boðið verður upp á 3ja rétta máltíð. Í forrétt er marineraður skötuselur á salatbeði. Aðalréttur grillsteiktur lambainnanlærisvöðvi á villibráðarsósu og eftirréttur er ostakaka að hætti hússins m/serrý og kaffi. Verð á máltíð eru 4.800 kr. á mann. Veislan hefst kl. 20:00 húsið opnar fyrir matargestum kl 19:00. Borðapantanir eru í síma 618 4872.

Trúbadorinn Sjonni Brink heldur uppi stuði ásamt leynigesti frá kl 11:30 til 03:00. Aðgangsverð er 1500 kr. inn á þessa frábæru snillinga. Húsið opnar fyrir almenning kl 11:00. Bjórtilboð 1/2 L á kr.500. Hægt er að fá gistingu á Malarhorni.

Ekki missa af þessum frábæra atburði.

Malarkaffi opnar 7. júní

2009-06-02T17:53:43Z

Malarkaffi opnar á laugardaginn 7. júní. Fastir opnunartímar eru frá 11:30 - 21:00 virka daga. Helgar 11:30 - 11:00 nema annað verði auglýst.

Matseðil sumarsins má finna hér á síðunni.

Kaffihlaðborð og bjórkvöld á Malarkaffi

2009-05-29T19:52:48Z

Laugardaginn 30. maí verður kaffihlaðborð á Malarkaffi. Kaffihlaðborðið stendur frá kl 15 til kl 18.

Þá verður bjórkvöld á Malarkaffi sama dag frá kl 22 til kl 3. Tilboð á barnum þar sem stór bjór kostar einn rauðan.

Svaðilför ljósmyndara

2009-05-29T16:14:38Z

Á föstudaginn 22/5 komu til okkar að Malarhorni góðir gestir, Pétur Jónsson frá Reykjum og Frank Bradford ljósmyndarar og vildu þeir fá að fara út í Grímsey til að taka myndir af lunda og fleiri fuglum. Ég var að gera tuðruna mína sjóklára og fengu þeir hana lánaða, kominn var kaldaskítur af austri þegar þeir lögðu í hann. Og á bryggjunni höfðu menn á orði að hæpið væri að þeir hefðu það af á þessari tuðru. En allt gekk vel og voru þeir í góðu yfirlæti, sól og blíðu í eynni. Tóku þeir mikið af myndum við góðar aðstæður. Fékk ég loforð um að fá nokkrar á síðuna, og birtast þær bráðum. Nú þeir komust klakklaust í land, sjóblautir en hressir, og fengu sjávarsteik að borða, og báðust gistingar sem var velkomið. Um morguninn fór að rigna, og fékk ég Frank til að taka innimyndir úr einu herberginu í mótelinu, en hann var með allar græur til þess og algjör snillingur. Þær verða hér á síðunni bráðum. Þeir fóru síðan inn í Bjarnafjörð að mynda, síðan yfir háls og ég skaust inn Selströnd á móti þeim með það sem þeir gleymdu.

Kaffihlaðborð á Sumardaginn fyrsta

2009-04-23T15:14:45Z

Malarkaffi verður með kaffihlaðborð á sumardaginn fyrsta frá kl 15-18

Aðalfundur Ferðamálaráðs Vestfjarða

2009-04-23T15:08:46Z

Aðalfundur Ferðamálaráðs Vestfjarða var haldin hér á Drangsnesi í blíðskaparveðri. Hófst hann föstudaginn 24. síðastliðinn og stóð til kl 16 á sunnudag, en þá fóru flestir fundarmenn í siglingu kringum Grímsey á Sundhana ST3. Mikið af fugli var komið í eyjuna fullt af lunda, múkka, álku og mávum. 6 skarfar voru sestir í Uxann sem er byrjaður að hvítna af rituskít, og fullt af æðarfugli á sjónum sunnan við eynna. Farið var í land á pallinn í eynni og skálað í koníaki og bjór. Sigurgeir spilaði á nikku og sumi stigu dans.
Þá fór að auka sjóinn og kalda og farið í land með hraði. Sumir fóru í heitu pottana. Síðan var hátíðarkvöldverður á Malarkaffi en það sá um allar veitingar og 25 manns gistu á Malarhorni. Skrall var um kvöldið og spilað á nikku og gítara, og allir í stuði og svaka fjör. Gulli hætti að spila kl 2, en þá voru allir að dansa. Gekk fólk til náða og vaknaði hresst í morgunmat kl 9, fengu í soðið siginn fisk, grásleppu og rauðmaga og tóku stímið heim.

Ný heimasíða

2009-02-28T23:19:11Z

Þá er ný heimasíða komin í loftið á léninu malarhorn.is.

Hér verða sagðar fréttir.